اسمي أنس مطاوع. انولدت بدون أطراف سفلية أو علوية، ويمكن أول شيء الناس كانت تشوفه فيني هو جسدي… بس الحقيقة، روحي كانت دائمًا أكبر من الصورة. كبرت وسمعت كتير "ما رح تقدر"، "ما فيك تعيش طبيعي"، "مين رح يقبلك؟"… بس ما سمحت لهالكلمات توقفني. أنا ما انتظرت إذن من حدا لأحب، لأعيش، ولأحلم. اليوم، أنا متزوج من إنسانة شافت فيّ رجل حقيقي، مو جسد ناقص، بل روح مليانة حب وحياة. وأنا أب لطفل، يمكن ما بقدر أحمله بإيدي، بس بحضنه بقلبي كل يوم، وبدفيه بكل طاقة الحب اللي بداخلي. ما كنت يوم من الأيام ضحية لشيء، ولا حبيت أكون مصدر شفقة لحدا. أنا إعلامي، وكاتب، ومدرب، وصاحب مشروع تجاري بإسمي… وصاحب قصة ما فيها "مساكين"، فيها تعب، وإرادة، وكرامة. أنا ما بتمنى تكون مثلي… بس بتمنى تكون قوي مثل ما كنت، وقت الكل كان يقول مستحيل.
لا يوجد سيرة ذاتية بعد
تحتاج إلى تسجيل الدخول لعرض هذه الميزة
سيتم إزالة هذا العنوان من هذه القائمة
Arabic
